Hindi lang sa pelikula nangyayari

Hindi ko talaga maintindihan kung bakit marami pa ring nagkalat sa mundo na mga taong walang alam gawin kundi gumawa ng masama sa kapwa nila. Kahit kabaitan ang iyong ipinapakita sa kanila ay hindi ka pa sinusuklian ng kabutihan. Hindi lang pala sa pelikula o teleserye nangyayari ito dahil maging sa realidad ng buhay ay nangyayari ito. Mayroon kasi akong kilalang tao na sobrang bait kapag nakaharap siya sayo ngunit nagbabalat kayo pala. Kinakaibigan ka niya, inaalam ang kahinaan mo at hindi mo nalalaman na pagtalikod mo ay doon ka niya tinitira. Hindi pa siya nakuntento, nagsumbong pa siya sa iba at pinalabas na siya ang tama. Nagtsismis pa siya. Marunong siyang gumawa ng istorya, marunong siyang magdrama pano naman kasi mataas ang kursong natapos niya. Iyon ata ang major subject niya, ang karunungang magbaliktad ng tao. Ngunit kahit gaano kataas ang pinag-aralan niya, kung atin lamang pakaiisipin daig pa niya ang taong walang pinag-aralan dahil wala siyang kaprofe-professionalism sa katawan. Pareho kayong nagtapos ng college pero iba ang ugaling meron siya. Marahil iyon ang itinuro sa kanya sa lugar na kinalakihan niya. Wala siyang pakialam kung mali ang kanyang ginagawa dahil para sa kanya ‘yon ang tama. Alam ko marami rin sa atin ang naka-encounter or nakakaincounter pa lang ng mga taong ganito. Diba tayo ang lumalabas na bida at sila ang kontrabida?. Don naman sa mga taong hindi pa nakaencounter ng mga katulad ng taong ito “Beware kayo” Minsan mas maganda talagang huwag munang magtiwala sa ibang tao hangga’t hindi mo pa siya lubusang nakikilala. Pareho tayong nabubuhay sa mundong ito at minsan lang tayo mabuhay kaya sana gawin natin itong makabuluhan. Huwag tayong gagawa ng masama sa kapwa natin dahil baka pagdating ng araw sarili din natin ang maniningil sa atin. Lahat ng ginawa natin sa iba ay babato o babalik din sa atin. Sa mga katulad kong bida, sundin nalang natin ang utos ng Diyos “Mahalin mo ang iyong kaaway” – Matthew 5:43-48. Dahil darating din ang araw na ang mga taong yan na kontrabida ngayon ay makakatagpo din ng mga taong kontrabida na mang-aapi sa kanila.

“Ang nagpapakataas ay ibaba at ang nagpapakababa ay itataas." (Mateo 23:12)